Walay nakitang panginahanglan ang Malacañang nga repasuhon ang kasamtangang balaod may kalabotan sa pag-withdraw ug pagmonitor sa confidential funds.
Gipahayag kini ni Palace Press Officer Usec. Claire Castro human gipangutana bahin sa mga pahayag sa duha ka bank managers nga mitestigo sa impeachment trial ni Vice President Sara Duterte.
Matod ni Castro, dili ang balaod ang problema kondili ang mga tawo nga molapas niini.
Gipasabot sa opisyal nga adunay mga lagda ug proseso nga angay sundon sa paggamit ug pagdumala sa confidential funds.
Ang pahayag sa Palasyo gihimo samtang nagpadayon ang mga diskusyon bahin sa paggamit ug pag-monitor sa maong mga pondo sa gobyerno.
