Misuporta ang Department of Public Works and Highways (DPWH) sa direktiba ni Presidente Ferdinand Marcos Jr. nga kinahanglang tiwason una ang tanang naundang nga mga proyekto sa nasud sa dili pa magsugod og bag-ong mga pagpatukod, lakip na ang gihimong pagbisita sa tulay sa Tagoloan, Misamis Oriental.
Gitin-aw ni DPWH Secretary Vince Dizon nga ang Misamis Oriental ang nag-unang industrial capital sa Northern Mindanao, busa dili kini angay pasagdan tungod kay ania dinhi ang PHIVIDEC, daghang pabrika, ug nagsilbi kining importanteng agianan gikan sa Luzon ug Visayas paingon sa Mindanao.
Tungod niini, naghatag og pasalig ang maong buhatan nga mahuman ang duha ka lane nga tulay pag-abot sa Hunyo sa sunod tuig aron matapos na ang tulo ka tuig nga pag-antos sa mga tawo sa grabe nga trapiko.
Dugang pa sa kalihim, gigahinan usab nila og pondo ang pagpuli sa daang tulay nga gitukod pa niadtong tuig 1968, nga gilaumang mapulihan ug mahuman sa dili pa matapos ang termino sa Presidente sa tuig 2028
