CAGAYAN DE ORO CITY – Gipamugos ni Tingog Partylist Representative Jude A. Acidre nga tataw ang misrepresentation ug anomalya sa pag-liquidate sa confidential funds sa Department of Education (DepEd) pinaagi sa paggamit sa mga dokumento sa Armed Forces of the Philippines (AFP). Kini maoy nag-unang reaksiyon ni Acidre sa exclusive interview sa BOMBO RADYO.
Nagtuo ang magbabalaod nga “nabudol” o nailad usab ang mga opisyal sa militar tungod kay wala sila makasabot nga ang gipagawas nilang mga sertipikasyon gigamit diay sa laing katuyoan.
Segun sa magbabalaod nga ang maong mga aksyon sa DepEd nagpakita sa panultihon nga usahay gikinahanglan ang bakak aron lamang matabonan ang laing bakak.
Tungod niini, napugos ang kadaghanan nga magduhaduha ug mangutana kon unsa pa ba gayod ang tinuod sa maong mga liquidation documents.
Mahinumduman nga gipagula sa prosecution ang argumento nga makaduda ang mga papeles gipasakaniadto sa Office of the Secretary sa maong departamento.
Namugos si Acidre nga kinahanglan matul-id ug mabutyag ang tanang kamatuoran bahin sa maong pondo sa gobyerno.
