Naghatag og seryosong pasidaan ang ekonomista ug kanhi Bise Gobernador nga si Joey Pelaez sa Misamis Oriental nga posibleng moresulta sa krisis sa pagkaon ug kagutom ang nagpadayong pagsaka sa presyo sa lana ug pangunang palitunon sa nasod.
Gitin-aw sa kanhi opisyal nga labing maapektuhan ang mga ordinaryong pamilya tungod sa pagmahal sa bugas, pletehan, ug kuryente samtang nag-atubang sa kakuwang sa pondo ang gobyerno.
Aron matubag ang maong hulga, gidasig niya ang gobyerno nga palig-onon ang lokal nga pagpananom ug suportahan ang mga mag-uuma aron dili magsalig ang nasod sa pag-import og pagkaon.
Tungod niini, nanawagan si Pelaez nga moaksyon dayon ang gobyerno aron mapalambo ang pagkaon sa nasod ug dili na moabot sa kagutom ang sitwasyon.
