Misupak si defense counsel Atty. Justin Gular sa pagdeklara kang Davao City Mayor Sebastian “Baste” Duterte isip “hostile witness” sa impeachment trial.
Matod ni Gular, dili igo nga basihan ang mga political statement ni Duterte aron ipakita nga adunay hostility kini batok sa impeachment court. Giingon usab niya nga ang pagtuo sa prosecution nga pareho og posisyon si Duterte ug ang respondent naggikan lamang sa ilang interpretasyon ug dili sa mismong testimonya sa alkalde.
Gipasabot pa ni Gular nga dili pasabot nga dili gustong motestigo si Duterte tungod lang kay miatubang siya sa impeachment court human ma-subpoena.
Bisan pa sa pagsupak sa depensa, gideklarar sa Senate impeachment court si Mayor Duterte isip “hostile witness” human madungog ang argumento sa duha ka kampo.
