Gisaway sa Student Council Alliance of the Philippines ang giandam nga balaod sa Kongreso batok sa political dynasty tungod sa pagtuo nga kulang kini og ngipon ug limitado ra ang epekto.
Sumala ni Mindanao Chairperson John Philip Talaba, ikaduhang grado ra ang gidili sa Kongreso samtang ikaupat nga grado ang gisulong nga ipatuman sa Dapat Isa Lang movement.
Gipahayag sa batan-ong lider nga ang pagdominar sa usa ka pamilya naghatag og absolutong gahum nga nagpalala sa korapsyon sa gobyerno.
Giingon usab nga ang mahinungdanong reporma kinahanglan aron mapugngan ang monopolyo sa gahum sa pipila ka pamilya.
Ang grupo nanawagan sa mas lig-on ug mas epektibong balaod aron masiguro ang tinuod nga demokrasya ug patas nga partisipasyon sa politika.
