Dili angay magpanic, ug kinahanglan mangandam.
Kini ang tubag ni Palace Press Officer Atty Claire Castro kalabot sa dakung hadla sa Super El Niño nga magresulta sa water crisis sa tibook Pilipinas.
Mitug-an si Castro nga adunay mga programa ug pondo nga giandam ang gobyerno aron masuportahan ang mga mag-uuma ug mangingisda nga maapektuhan sa grabeng hulaw.
Iyang gipadumduman ang katawhan nga likayan ang hoading sa mga bottled water kay kini posibleng muresulta sa artificial shortage ug makapataas sa presyo sa komersyal nga tubig.
Gawas niini, si Castro mibutyag nga “in-placed” na daan ang natukod nga Task Force El Niño ug mga ahensya sama sa NIA, DENR, ug DA nga nagpatuman sa mitigation plans aron malikayan ang kakulang sa tubig ug matabangan ang sektor sa agrikultura.
Ang National Water Resources Board nagpakunhod na sa water allocation sa Metro Manila aron masiguro ang supply sa Angat Dam.
Gihangyo ni Castro ang publiko magpabilin nga kalmado ug mag-andam sa hustong paagi samtang padayon ang koordinasyon sa gobyerno aron masugpo ang epekto sa El Niño.
