Subay sa nagsaka nga violent incidents sulod sa mga tunghaan mapa-shooting man o stabbing incident, hingpit nga giawhag sa Department of Education Cagayan de Oro ang mga ginikanan nga bantayan pag-ayo ang ilang mga anak.
Gipadayag ni Learner Rights and Protection Focal Person Alvic Marie Francisco nga dako ang epekto sa mga violent content sa social media sa batan-ong panhunahuna ug kinahanglang tudloan sila sa paghusay sa away pinaagi sa estorya.
Gawas niini, gipanawagan sa buhatan ang bukas nga komunikasyon sa panimalay aron dili mahadlok magpahibalo ang mga estudyante kung biktima sila sa bullying.
Tungod niini, gipahinumdom ni Francisco nga ang seguridad sa mga tunghaan responsibilidad sa tibuok komunidad ug dili sa kagamhanan lamang.
