Segun sa nagkadool nga saulog sa Kalag-kalag ug Undas 2026, gipanghugtan na sa Aviation Security Unit Region 10 ang seguridad sa mga tugpahanan sa Laguindingan, Camiguin, ug Ozamiz.
Gipadayag ni Aviation Security Unit Region 10 Assistant Regional Chief PLTCOL Mardi Hortillosa nga gipataas na ang ilang alert status ug gi-organisa na ang mga personnel nga mag-monitor sa gilaumang pagdagsa sa mga pasahero subay sa naobserbahan sa milabay nga mga tuig.
Gumikan niini, magpabilin nga nakapokus ang tibuok pwersa sulod sa mga tugpahanan aron maseguro ang kahapsay ug kaluwasan sa tanang mosakay sa mga eroplano.
Samtang, nagpahimangno usab ang buhatan sa mga sumasakay nga mosunod sa mga lagda sa airport aron malikayan ang bisan unsang kalangan sa ilang pagbiyahe.
