Gipaningil sa nagpakabanang pundok ang pagpriso sa mga opisyal nga nagpaluyo sa kapin 449.5 billion pesos nga unprogrammed funds nga gipangpasulod sa national budget gikan 2024 hangtod 2026.
Sa interbyu sa Bombo Radyo, namahayag si Inday Sara Movement Philippines Founder Daniel Nobleza nga dili ikahimuot sa publiko nga matapos lamang sa paghatag og mga lagda ang desisyon sa Korte Suprema samtang walay gipahamtang nga silot sa mga nakasala.
Pinaagi niini, gipanawagan sa grupo ang sunod nga legal nga aksyon aron gukdon ug patubagon sa balaod ang tanang nidumala ug nipirma sa maong anomalosong pondo.
Sa laing bahin, gipasiugda sa lider nga panag-iyahan sa tanang Pilipino ang maong legal nga kadaugan apan magpadayon ang panawagan hangtod nga makab-ot ang hustisya sa kaban sa nasud.
