Gisaway ni House impeachment spokesperson Ace Barbers si Bise Presidente Sara Duterte bahin sa giingong dili maipasabut nga kadato ug mga transaksyon sa pondo niini.
Matud pa ni Barbers, “Pangkarinderya ang drama, pangbilyonarya ang bulsa,” samtang gipanghingusgan nga kinahanglang ipasabut ang mga kalainan sa mga bank record ug Statement of Assets, Liabilities, and Net Worth o SALN sa bise presidente.
Gitudlo ni Barbers ang gihimong pagsusi sa forensic accounting expert nga si Alexander Cabrera, diin nakit-an ang dili mubu sa 817.87 milyones pesos nga giingong wala gideklarang mga propiedad ug pondo gikan sa tuig 2022 hangtod 2025.
Bisan pa man niini, gipanghimakak sa kampo ni Duterte ang maong interpretasyon sa prosekusyon sa ilang mga record sa pondo, samtang gipaabot nga magsumite og ebidensya ang depensa karong Nobyembre 9 diin wala pa usab pinal nga desisyon ang Senado bahin sa maong kasong impeachment.
