Inihahanda na ng Palasyo ang pormal na hiling para sa isang pagpupulong sa pagitan nina Pangulong Ferdinand Marcos Jr. at MILF Chairperson Ahod “Al-Haj Murad” Ebrahim.
Ayon kay Presidential Communications Office Spokesperson Atty. Claire Castro, inaasikaso na ng Malacañang ang opisyal na kalendaryo upang mabigyan ng silid ang naturang paghaharap ng dalawang lider.
Layunin ng naturang hinihiling na pagtatagpo na maitaguyod ang “rainbow coalition” sa BARMM Parliament at mas mapatibay ang kapayapaan sa Mindanao.
Ipinahayag ng Palasyo na bukas ang Punong Ehekutibo na makinig sa lahat ng mungkahi para sa ikabubuti at pag-unlad ng mamamayang Bangsamoro.
