Giklaro sa Malacañang nga ang paghimo ug pag-apruba sa nasudnong badyet dili eksklusibong gahum sa presidente tungod kay ang “power of the purse” anaa sa Kongreso.
Kini ang gibutyag ni Atty Claire Castro, sa pakighinabi sa BOMBO RADYO.
Siya miingon nga ang ehekutibo nagasumiter lamang sa gisugyot nga badyet samtang ang mga pag-usab ug dugang nga alokasyon mahimong maggikan sa Kongreso panahon sa deliberasyon.
Gipasabot usab niini nga mahimo lamang i-veto sa presidente ang mga probisyong iyang makita nga dili makatarunganon, apan dili mahimong tangtangon ang tanang giusab sa Kongreso tungod kay ang badyet usa ka balaod nga resulta sa lehislatibong proseso.
Gipatuman sa administrasyon ang mas maampingong pagpagawas sa pondo pinaagi sa mekanismong “for later release,” (FLR) ilabina sa 2025 budget, aron masiguro nga ang mga proyekto adunay igo ug hustong basehan sa pagpondo.
Giila usab sa economic team ug sa Bangko Sentral ng Pilipinas nga ang mas hinay nga government spending tungod sa higpit nga pagrepaso sa mga proyekto adunay epekto sa dagan sa ekonomiya
