DOE, gipatuman ang dinaliang solusyon sa pagpalig-on sa lokal nga suplay sa kuryente sa Visayas

Gipatuman sa Department of Energy ang usa ka dinaliang solusyon sa pamaagi sa pagpalig-on sa lokal nga suplay sa kuryente sa Visayas aron mapagaan ang importasyon gikan sa Luzon ug Mindanao taliwala sa hulga sa El Niño.

Matud ni Electric Power Industry Management Bureau (EPIMB) Director Mario C. Marasigan, lakip niini ang gikatakdang 253 megawatts gikan sa mga bag-ong battery energy storage systems (BESS) sa musunod nga tuig.

Dugang pa sa direktor, nakalinya usab ang paggahin og dugang nga mga power barges ug diesel facilities nga moabot sa 273 megawatts aron madungagan ug mapalig-on ang resrba sa kuryente sa rehiyon.

Gilauman usab nga pinaagi niining mga lakang kay malikayan na ang kanunay nga alert status sa Visayas ug masiguro nga igo ug magpadayon ang serbisyo sa kuryente ngadto sa mga katawhan taliwala sa hagit sa panahon. (raniel mahunyag)