DOE, gihatagan sa prayoridad ang kuryente sa Visayas sa nahibiling bulan sa 2026 aron malikayan ang alert status ug isip pagpangamdam sa gilaumang epekto sa El Niño

Gihatagan og prayoridad sa Department of Energy (DOE) ang pagpalig-on sa lokal nga suplay sa kuryente sa Visayas karong tuiga aron malikayan ang sobra nga pagdepende sa power import gikan sa Luzon ug Mindanao.

Matud ni Electric Power Industry Management Bureau (EPIMB) Director Mario C. Marasigan, dako kining lakang aron dili magsalig sa power exchange ang mga rehiyon, ilabi na karong makasinati og yellow alert ang Visayas nga gipahinabo sa kakulangon sa reserba matag adunay dungan nga kakulian ug maintenance sa mga planta.

Gipunting usab sa opisyal nga dako ang mahimong epekto sa masinating El Niño sa mga musunod nga bulan, diin gilaumang moubos og hangtud sa 60 porsiyento ang kapasidad sa mga hydropower facility ug maapektuhan usab ang solar generation ug 20 hangtud 25 porsiyento.

Dungan niini, namatikdan usab ang padayong pagsaka sa peak demand sa kuryente sa rehiyon nga gilaumang mosaka gikan sa kaniadtong 2,558 megawatts padulong sa 3,000 megawatts, samtang gataas usab ang demand sa tibuok nasud. (raniel mahunyag)