Pagsungag sa 2 tren sa Espanya, misaka pa sa 68 ang nakalas

Misaka pa sa dul-an 70 ka tawo ang nakalas sa pagsungag sa duha ka high-speed nga tren sa Espanya.

Nahitabo ang insidente duol sa Toledo sa dihang mibangga ang usa ka tren sa Renfe ngadto sa usa ka tren nga wala mi-andar tungod sa problema sa signal system.

Gibutyag ni Spanish Transport Minister Oscar Puente nga human sa kolisyon, mipadayon sa pagdagan ang tren bisan nadiskarel na kini sa iyang riles. Kini ang rason nga misaka ang ihap sa mga namatay ug angol.

Sa pagkutlo ning balita misaka usab sa 80 ang natalang samaran, naka-angkon sa bun-og tungod sa impak sa pagsungag.

Gimando ni Spanish Prime Minister Pedro Sanchez ang imbestigasyon sa trahedya ug misaad nga atubangon ang bisan unsang kapakyasan nga mabutyag sa pag-usisa sa maong aksidente.

Mipaambit usag sa kasub-anan ang gobyerno sa Canada human nila madawat ang balota gikan sa ilang alyadong nasud.