Gipailalom na sa pormal nga intervention sa ilang matag barangay ang lima ka drayber nga nagpositibo sa gipahigayon nga Oplan Harabas karong semana sa Westbound ug Eastbound Terminal sa Cagayan de Oro.
Gibutyag ni PDEA Misamis Oriental Provincial Director Expedito Cardona Jr. nga gawas sa intervention, mag-atubang usab og pormal nga silot ug pagka-suspinde sa lisensya ang maong mga drayber gikan sa LTO ug LTFRB.
Dugtong pa sa opisyal, aron mapadayon ang element of surprise, irekomendar sa buhatan sa Regional Peace and Order Committee nga buhaton na quarterly ang random drug testing sa mga terminal.
Tungod niini, nagpasidaan ang PDEA sa tanang mga drayber nga dili ibutang sa peligro ang seguridad sa mga pasahero aron makalikay sa kaso ug pagkawala sa panginabuhian.
