Gisaway ni Professional Criminologists Association of the Philippines (PCAP) National President Dr. Gerry Caño ang pamahayag ni NAPOLCOM Vice Chairperson ug Executive Officer Rafael Calinusan bahin sa pag-dili sa pagpa-exam sa mga criminology interns nga madakpan sa traffic violations.
Sa eksklusibong pakighinabi sa Bombo Radyo, gipasabot ni Caño nga usa ka diktador nga pamaagi ug supak sa balaod ang maong deklarasyon tungod sa pagbalewala sa presumption of innocence ug due process sa mga estudyante.
Gipunting sa opisyal nga dili pwedeng pilion ra ang mga dakponon tungod kay supak kini sa equal protection of laws ilabina kon mismong ang pipila ka dakbayan nagdili usab sa paggamit og helmet.
Hagit karon sa lider sa PCAP ngadto sa buhatan sa NAPOLCOM nga hinuklogan ug respetohon ang batakang katungod sa mga estudyante ug dili magpalabi sa gahum.
