Gihupay sa Geo-Political Analyst nga si Lucanus Azrael Igot ang kabalaka sa publiko nga mawad an og trabaho ang mga Pilipino tungod sa pagpalapad sa artificial intelligence ug robotics ubos sa proyektong Pax Silica.

Giklaro ni Igot nga bisan kon mogamit og modernong makinarya ang maong industriya, kinahanglan gihapon ang pagbantay ug pagdumala sa mga tawo ilabi na kon magkaproblema ang sistema.

Gipunto sa analista nga sama sa nasinatian sa Silicon Valley, mas dako ang kahigayonan nga makahatag kini og daghang trabaho sa katawhan imbes nga magsalig lang sa mga robot.

Gidugang sa eksperto nga gibana-bana pang maabot sa tuig 2058 ayha hingpit nga mapuslan ang maong proyekto sa New Clark City hinungdan nga taas pa ang panahon sa pagpangandam.