Gikadismaya sa grupong Inday Sara Movement Philippines nga wala makakuha og pormal nga kasabutan ang Pilipinas aron mapaubos ang taripa sa Amerika bisan pa sa pagbisita ni United States President Donald Trump atol sa ASEAN Summit, dili sama sa Thailand nga matud pa nakapirma dayon og deal.

Giklaro ni Inday Sara Movement Convenor Daniel Nobleza nga kadudahan kon unsay tinuod nga nakuha sa nasud gikan sa bilyones ka pesos nga gigasto sa gobyerno sa pag host sa maong tigom.

Giduso ni Nobleza nga sa tunga tunga sa kalisod sa ekonomiya, mahal nga palaliton, ug taas nga balor sa dolyar batok sa piso, angay nga maghatag og klarong pagpasabot ang Malacañang kon giunsa paggasto ang pondo sa katawhan.

Gidugang sa convenor sa maong grupo nga gawas sa kawalay direktang kaayohan sa komersyo, nakasinati usab og kahasol ang mga residente sa Metro Manila tungod sa mga pagpangandam sa summit.