Pabilin gihapon nga gukdon sa kapulisan ang illegal nga droga ug uban pang krimen sa dakbayan sa Cagayan de Oro samtang nagpadayon ang paghinumdom sa Undas 2026.
Gipasabot ni COCPO Spokesperson Major Emilita Simon nga gawas sa mga sementeryo, nakapwesto usab ang seguridad sa mga tourist spot, terminal, ug border checkpoints.
Dugtong pa sa opisyal, gigamit sa buhatan ang crime clock ug crime map aron masiguro nga dili mabiyaan ang seguridad sa matag barangay ug mga panimalay.
Tungod niini, nanawagan ang buhatan sa katawhan nga magmatngon ug motaho gilayon sa kapulisan kon adunay makit-ang kadudahan nga lihok sa palibot.
