Giila ni Presidente Ferdinand Marcos Jr. nga makasaysayang kadaugan alang sa Bangsamoro ug sa tibuok nasud ang pagbukas sa una nga sesyon sa mga una nang napili sa Bangsamoro Parliament.
Sa pakigpulong sa Presidente, mipahayag kini nga pormal nang natapos ang pito ka tuig nga pagdumala sa Bangsamoro Transition Authority (BTA) ug nagsugod na nag regular nga kagamhanan nga pangulohan sa usa ka parlamento sa rehiyon.
Gihatagan usab og gibug-aton ni Marcos ang kamahinungdanon sa kalinaw ug gipasalamatan ang mga lider nga naningkamot aron masakmit ang kasabutan sa kalinaw tali sa kagamhanan ug Moro Islamic Liberation Front (MILF).
Matud ni Marcos, magsugod na sa pagtuman sa ilang katungdanan ang 80 ka pinili nga sakop sa parlamento, lakip na niini ang pagpili sa Punong Ministro ug tigpamaba sa parlamento nga mangulo sa bag-ong kagamhanan.
Gipasalig usab sa Presidente nga padayon ang pagsuporta sa nasudnong kagamhanan sa kaugalingon pagdumala sa Bangsamoro ug ang mga programa nga magpalig-on sa panginabuhian ug kalamboan sa rehiyon.
Dugtong niini, galaum usab aqng Presidente nga magbukas kini og bag-ong yugto sa pagdumala padulong sa mas malinawon ug mauswagong Bangsamoro. (raniel mahunyag)
