Wala nay naglungtad nga security advisory ang United States Transportation Security Administration (TSA) batok sa Ninoy Aquino International Airport (NAIA).
Mao kini ang gikumpirma ni Transportation Secretary Vince Dizon, nga nagpasabot nga wala nay kasamtangang security warning ang ahensya sa Amerika bahin sa mga biyahe padulong sa Estados Unidos.
Matud ni Office for Transportation Security (OTS) Administrator Gilbert Cruz, mao kini ang pinakaunang higayon human sa pila ka tuig nga pagsaway sa TSA sa seguridad sa NAIA, lakip na niini ang kakulang sa pagbansay-bansay sa mga security personnel ug taas nga linya sa inspeksyon sa mga bagahe ug pasahero. (raniel mahunyag)
