Posibleng mataktak sa pwesto ang mga opisyal nga responsable sa wala pa gihapon nahuman nga pagbalhin sa CCTV system sa NAIA Terminal 1 ngadto sa New NAIA Infrastructure Corporation (NNIC).
Mao kini ang pasidaan ni Transportation Secretary Vince Dizon human madiskubreng halos duha ka tuig na nga wala pa gihapon nahuman ang pag-turnover sa mga CCTV system sa Manila International Airport Authority (MIAA) ngadto sa NNIC.
Matud ni Dizon, daw nagtinukloray sa ilang responsibilidad ang duha ka partido, hinungdan nga gihatagan niya ang MIAA og hangtud Nobyembre aron humanon ang maong proseso.
Dugtong niini, gimando usab sa kalihim ang pagdugang og CCTV cameras sa terminal aron mapakusog ang seguridad sa mga pasahero. (raniel mahunyag)
