Wala mabalaka ang Department of Agriculture (DA) sa kaigo sa suplay sa pagkaon sa tibuok nasud, taliwala sa padayon nga paghuyang sa piso batok sa dolyar ug uban pang mga foreign currencies.
Mahinumdoman nga niining semanaha kay hingpit nga misaka sa P64 ang usa ka dolyar, apan nakabawi-bawi ra usab kini sa paghuman sa trading karong adlawng Biyernes, Oktubre 30, 2026.
Matud ni DA Spokersperson Assistant Secretary Arnel De Mesa, igo ang natipig sa nasud nga nag-unang mga palaliton hangtud sa paghuman sa tuig sa 2026.
Susama kining gikan sa suporta sa lokal nga mga mag-uuma ug sa mga gi-import nga produkto gikan sa nagkalain-laing nasud.
Mipahayag ang tigpamaba nga sakto lang ang una nang giingon ni Presidente Ferdinand Marcos Jr. nga dili kinahanglang mag-panic tungod kay igo ang suplay sa pagkaon alang sa tanan.
Isip katimbayayong sa kasamtangang administrasyon, gibuhat na sa DA ang tanang mga lakang aron malikayan ang epekto sa paghuyang sa piso batok dolyar.
Dugtong niini, sa kasamtangan kay nag-andam na ang DA og mga tabang ngadto sa mga lokal nga mag-uuma nga hilabihang maapektuhan sa impact niini ug sa uban pang kasamtangang problema sama sa nagkagrabeng El Niño phenomenon. (raniel mahunyag)
