Gipagawas sa MICHELIN Guide ang ikaduhang edisyon niini sa Pilipinas alang sa 2027, nga naglakip sa 127 ka mga establisimyento sa Metro Manila, Cavite, Pampanga ug Sugbo.
Ang restawran nga FLOW sa Makati mao ang bugtong nga bag-ong nakadawat og One MICHELIN Star tungod sa talagsaon nga pagluto niini nga naghiusa sa mga impluwensiya sa lutong Pilipinhon ug Peruvian, nga nagdala sa kinatibuk-ang gidaghanon sa mga Michelin-starred restaurant sa nasud ngadto sa 10, nga naglangkob sa siyam ka One-Star ug usa ka Two-Star nga establisimyento.
Samtang, gipabilin sa restaurant nga Helm nga gipangulohan ni Chef Josh Boutwood ang duha ka Michelin Stars, nga nagpabilin niini isip bugtong restaurant sa Pilipinas nga nakabaton sa maong pag-ila.
Lakip usab sa 2027 nga edisyon ang 31 ka Bib Gourmand ug 86 ka Michelin-Selected nga mga establisimyento, samtang upat ka espesyal nga pasidungog ang gihatag aron ilhon ang talagsaong talento ug kontribusyon sa mga propesyonal sa industriya sa pagkaon. (raniel mahunyag)
