Misaka na sa bag-ong record high nga P19.66 trillion ang kinatibuk-ang utang sa kagamahanan sa Pilipinas niadtong katapusang bahin sa Setyembre 2026, sumala sa datso sa Bureau of the Treasury (BTr).
Sumala sa taho sa maong buhatan, misaka og 0.27 porsiyento o 53.47 bilyon pesos ang utang sa nasud kung itnadi sa 19.61 trilyon pesos nga natala niadtong bulan sa Agosto.
Naglangkob niini ang domestic debt nga 67.39 porsiyento sa kinatibuk-ang utang nga nagkantidad og 13.25 trilyon pesos, samtang ang external debt usab kay nagkantidad og 6.41 trilyon pesos o 32.61 prosiyento.
Ang gamay nga pagtaas sa domestic debt kay resulta ilabi na sa nte issuance sa government securities ug ang paghuyang sa bili sa piso batok sa dolyar nga nakaapekto sa Onshore Dollar Bonds.
Sa laing bahin, misaka usab og 0.70 porsiyento ang external debt tungod sa paghuyang sa lokal nga salapi ug dugang nga net availment sa mga pautang gikan sa gawas sa nasud.
Dugtong niini, miubos usab sa 306.63 bilyon pesos ang nationwide government guaranteed obligations niadtong bulan sa Setyembre tungod sa gibuhat nga mga net repayments sa mga external guarantees. (raniel mahunyag)
