500 ka patriot missiles, gibaligya sa US ngadto sa Ukraine

Giaprubahan sa Estados Unidos ang pagbaligya sa 500 ka PAC-3 Patriot interceptor missiles nga nagkantidad og $2.1 bilyon aron tabangang depensahan ang Ukraine batok sa nagkagrabeng aerial attacks sa Russia.

Sumala sa US State Department, hingpit nga sa mga kaalyado sa Kyiv didto sa Uropa ug Canada ang maong pagpalit pinaagi sa JUMPSTART program sa Ukraine Support Loan sa European Union.

Bisan pa niini, nagpasidaan si Ukrainian President Volodymyr Zelensky nga mahimong maabtan pa og isa ka tuig ang pag-abot sa maong mga munisyon tungod sa taas nga panahon sa produksyon ug sa global nga kakuwang niini.

Matud ni Zelensky, nanginahanglan ang Ukraine og mga missiles karon dayon, ilabi na nga gipakusgan sa Russia ang ilang mga pag-atake sa energy infrastructures sa nasud sa dili pa moabot ang tingtugnaw.

Sa laing bahin, nimaayo ra usab ang tensyo tali sa Washington ug Kyiv human magkaistoryahanay ang duha ka panig sa Oslo niadtong Oktubre 20, sunod sa mga una nang pahayag nbahin sa negosasyon ug sanctions sa Russia. (raniel mahunyag)