Gikalipay sa Bolonsori City Memorial Park Laborers Marketing Cooperative ang nadawat nga pitik sa panabang pinaagi sa TUPAD Program sa DOLE alang sa pagsaulog sa Kalag-Kalag 2026.
Gibutyag ni BCMPLMC President Ben Mondelo nga kapin 100 ka miyembro sa ilang kooperatiba ang nakabenepisyo sa 15-ka-adlaw nga trabaho sa pagpanhinlo ug pagpanlampas sulod sa sementeryo sa Bolonsori, Cagayan de Oro.
Gipasabot sa opisyal nga dako kaayo kinig tabang sa panginabuhian sa mga mamumuo samtang naghatag usab og seguridad ug kahinlo sa mga pamilyang mobisita sa ilang mga minahal sa kinabuhi.
Tungod niini, nagpaabot og dakong pasalamat ang maong grupo sa pamunoan sa DOLE sa pag-aproba sa ilang hangyo alang sa maong programa.
