Nagkauyon si South Korean President Lee Jae Myung ug Turkish President Recep Tayyip Erdoğan sa ilang summit niadtong Martes, Nobyembre 3, nga palig-onon ang kooperasyon sa ilang mga nasud sa natad sa nukleyar nga enerhiya, depensa ug imprastraktura.
Gipasiugda sa duha ka lider ang pagpadayon sa kooperasyon sa giplanong pagtukod og nukleyar nga planta sa Sinop, Turkey, diin nagtinguha ang South Korea nga makaapil isip kauban sa proyekto.
Atol sa summit, mipirma usab ang duha ka nasud og memorandum of understanding (MOU) alang sa kooperasyon sa pagpondo sa proyekto aron masuportahan ang mga kompanya sa South Korea nga nagtinguha nga makakuha og kontrata sa pagtukod niini.
Nagkauyon usab sila sa sektor sa depensa nga palapdon ang hiniusang produksiyon, pagpaambit sa teknolohiya ug pag-eksport sa mga kagamitan militar ngadto sa ubang nasud, lakip ang pagpalig-on sa mga proyekto sama sa Altay tank ug Firtina howitzer.
Dugtong niini, gihisgutan usab nila ang pagpalapad sa bilateral trade gikan sa 11 bilyon ka dolyar ngadto sa gitakdang tumong nga 15 bilyon dolyar ug ang pag-update sa ilang Free Trade Agreement. (raniel mahunyag)
