Naglaum ang United People’s Initiative nga makakuha og walo ka boto gikan sa Korte Suprema aron desisyonan nga ilegal ug porma sa kidnapping ang pag-aresto kay Senator Bato Dela Rosa nga walay lokal nga warrant of arrest.
Namahayag si Atty. Melchor Magdamo nga higayon na kini sa labaw’ng hukmanan nga itul-id ang ilang kasaypanan ug ipakita ang kaangayan imbes nga magpalabi sa politika.
Nagpasidaan usab ang abogado nga pabilin silang mag-barog sa gawas sa korte hangtod nga dili mogawas ang paborableng desisyon para sa senador.
Tungod niini, nanawagan ang grupo sa mga mahistrado nga barugan ang kamatuoran ug panalipdan ang balaod sa nasud.
