Nag-gawas og klaripikasyon ang usa ka Bangsamoro lawyer bahin sa mga balita nga ang Moro National Liberation Front o MNLF maoy nagtago kay Senator Bato Dela Rosa.
Gisulti ni Atty. Badrodin “Bador” Mangindra nga sa iyang pagtan-aw, walay opisyal nga desisyon ang maong organisasyon aron taguan ang senador diha sa ilang mga kampo.
Gitudlo sa abogado nga kon ugaling man gani naa kini sa Mindanao, posibleng personal ra nga tabang gikan sa iyang mga suod nga higala ug wala gi-aprubahan sa tibuok grupo.
Tungod niini, nanawagan ang opisyal sa gobyerno nga tiunayon ang pagproseso sa impormasyon imbes magpataka og duda sa mga grupo sa Mindanao.-
