Gipabasura sa Senado sa Korte Suprema ang petisyon ni Senador Christopher “Bong” Go ug Senador Robin Padilla batok sa pagbag-o sa voting threshold’ sa Senate Impeachment Court.
Gisumite sa Senador ang ilang komento ngadto sa hukmanan pinaagi sa Office of the Solicitor General, diin ilang gibarugan nga walay grave abuse of discretion nga nahitabo sa dihang gidesisyonan ang isyu sa ‘voting threshold.’
Anaa matud pa sa Senado ang gahum sa pagdesisyon sa interpretasyon ug ang responsibilidad niini nga tubagon ang mga pangutana bahin sa maong hisgutanan.
Tungod niini, gatuo sila nga angayang mabasura ang petisyon ni Senator-judges Bong Go ug Padilla tungod sa kakulang sa basihan ug pagka-premature sa maong kaso.
Gawas niini, gihangyo usab nila nga lakip nga ibasura ang aplikasyon sa pag-isyu og Status Quo Ante Order, Temporary Restraining Order, at Writ of Preliminary Injunction. (raniel mahunyag)
