Magpabilin nga nakatutok ang seguridad sa tanang tugpahanan sa Rehiyon 10 bisan pa man sa malampuson ug hapsay nga pagkahuman sa kampanya batok Ligtas Undas 2026.
Sa pakighinabi sa Bombo Radyo kang Police Lieutenant Colonel Mardy Hortillosa II, Assistant Chief sa Aviation Security Unit-10, gipasabut niini nga bisan pa man sa mga na-langan nga biyahe sa eroplano sa miaging mga adlaw, dali ra gihapon kini nga nakontrolar ug nabalik sa normal nga dagan sa mga autoridad.
Matod ni Hortillosa, dili nila i-downgrade ang gipatuman nga heightened security status sa Laguindingan, Ozamiz, ug Camiguin airports isip pagpangandam na usab sa pagdagsang sa mas daghang pasahero alang sa umaabot nga holiday season.
