Gihuptan na sa Golden State Warriors ang 6 consecutive wins human sa tulo ka sunod-sunod nga kapildihan sa pagsugod sa 2026-2027 regular season.
Karong adlawa, Nobyembre 6, gipildi sa Warriors ang koponan sa Miami Heat pinaagi sa dominante nga 2nd half nga gipangunahan ni NBA superstar Stephen Curry.
Nahuman ang 1st half sa maong panagtigi sa all-53, apan pagsulod sa 3rd quarter kay diha-diha dayong mihimo ang Warriors og 38-23 run aron hingpit nga mahimo ang 15-point lead sa pagsugod sa 4th quarter.
Bisan pa sa pagpaningkamot sa Miami nga apason ang deficit, wala na kini nakapalag sa hugot nga depensa sa 2022 NBA Champion, diin lima ka minuto ayha matapos ang maong panagtigi kay miabot na sa 20 ka puntos ang labaw ug hingpit nang gipapahulay ang mga Warriors star sama ni Curry ug Draymond Green.
Nahuman si Curry sa 29 ka points ug nakapasulod og unom ka 3-pointers sa sulod lamang sa 28 minutos nga pagpabilin niya sa hardcourt, diin 22 puntos niini kay natampo niya sa 2nd half sa maong panagtigi.
Bisan pa nga makasinati sa unang bahin sa dula og kalisdanan ang rookie sa Warriors nga si Yexel Lenderborg, apan niapas kini og 17 ka puntos, walo ka rebounds, unom ka assists, tulo sa steals, ug isa ka block. (raniel mahunyag)
