Gipailalom sa opisyal nga pagdumala sa Central Bank of Paraguay ang Ueno Bank, usa sa mga dagkong digital nga bangko sa nasud, human mapamatud-ang napakyas kini sa pagtuman sa minimum nga kapital nga gikinahanglan sa balaod.
Sumala sa mga taho, mikunhod ngadto sa ubos sa katunga sa gitakdang minimum ang solvency ratio sa bangko, nga adunay dul-an sa 2.9 milyon ka kustomer, hinungdan sa pagkasuspenso sa mga operasyon niini ug temporaryong pagkawala sa access sa mga kustomer sa ilang mga account ug tinigom.
Misangpot ang maong krisis sa mga protesta sa kapital nga Asunción ug nagpasamot sa krisis sa politika sa nasud, diin gipasiugdahan sa mga magbabalaod ang impeachment proceedings batok kang Paraguay President Santiago Peña tungod sa iyang giingong mga kalambigitan sa bangko.
Niadtong Nobyembre 5, 2026, misumite si Peña sa iyang resignation, nga iyang gipatin-aw nga gihimo alang sa kalig-on sa nasud, kalinaw sa katilingban ug pagpanalipod sa mga demokratikong institusyon, apan gisalikway sa Kongreso ang iyang pagbiya sa puwesto ug nagpadayon ang proseso sa impeachment batok kaniya. (raniel mahunyag)
