Galaum ang kampo sa prosekusyon nga walay mahimong hinungdan aron malangan ang impeachment trial batok kang Vice President Sara Duterte nga magpadayon pag-usab karong Lunes.
Matud ni House prosecution ug legal spokesperson Atty. Jay Tolosa Jr., gusto sa kampo sa prosekusyon nga magpadayon ang trial ug moderetso na kini sa pagtuki sa Article II o unexplained wealth aron malikayan ang bisan unsang pagkalangan.
Dugang pa sa tigpamaba, gibalibaran na sa impeachment court ang hangyo sa kampo sa depensa nga magpresenta og mga ebidensya alang sa mga gibawing articles of impeachment tungod kay magdala lamang kini og pagkalangan.
Dugtong niini, mipahayag usab ang tigpamaba nga galaum ang prosekusyon nga ang Article II lamang ang matutokan sa mga pagdungog aron mahuman na ang trial sa dili pa matapos ang tuig sa 2026. (raniel mahunyag)
.jpg "Malacañang, nagpahigayon sa mga programa sa pagpalambo sa kahanas ug pagpalapad sa oportunidad sa trabaho")
