Gisaway ni Senator-judge Raffy Tulfo ang nahimong pagpangamdam sa pang-ikaupat nga witness sa depensa sa impeachment trial ni Vice President Sara Duterte mahitungod sa isyu sa unexplained wealth.
Matud ni Tulfo, nakabalo na ang witness sa hinungdan kung ngano gipatawag siya aron hatagan og katin-awan ang mga pangutana bahin sa alegasyon sa unexplained wealth sa Bise Presidente.
Dugang pa sa Senador, namatikdan niya nga daghang pangutana ang wala niya matubag, lakip na niini ang mga pangutana sa prosekusyon bahin sa gihisgutan sa pagdungog, kung usa ba kini ka return on investment o return of investment nga matud pa nadawat sa Bise Presidente.
Tungod niini, gitambagan ni Tulfo ang testigo nga unta nangandam ug nag-research una kini ayha niatubang sa maong pagdungog.
Gihatagan usab og gibug-aton ni Tulfo nga 15 ka tuig nang abogado ang testigo, apan dili matud pa kini andam sa mga pangutana nga dunay kalabutan sa iyang testimonya. (raniel mahunyag)
