Gikuwestiyon ni House private prosecutor Atty. Lorna Kapunan kung duna bay igong basihan ang pang-ikaupat nga testigo sa depensa aron kuwestiyonon ang findings sa forensic report ni Atty. Alexander Cabrera sa impeachment trial ni Vice President Sara Duterte.
Nagsugod kini sa dihang gipangutana ni defense counsel Atty. Justin Nicol Gular ang witness nga si Atty. Suzette Balucanag-Punay, ang in-house counsel sa duha ka korporasyon, kung unsa ang masulti niini sa findings sa forensic report ni Cabrera basi sa iyang personal nga nahibal-an ug sa mga corporate records nga anaa kaniya.
Diha-diha dayong nangutana si Kapunan kung tinguha ba sa depensa nga ipresenta ang witness aron kontrahon ang testimonya sa forensic expert.
Matud ni Kapunan, tungod kay eksperto si Cabrera nga giila ang iyang katakus sa atubangan sa impeachment kay kinahanglan usab mapamatud-an nga kuwalipikado ang witness aron maghatag og komento o supakon ang iyang findings.
Gihatagan usab og gibug-aton sa prosekusyon nga kinahanglang klaro kung unsa ang ilang gibasihan sa personal nga kahibalo sa witness sa pagkomento sa maong forensic expert.
Mahinumdoman nga si Atty. Alexander Cabrera ang gipresenta sa prosekusyon isip expert witness aron ipresentar ang iyang forensic findings bahin sa mga corporate records sa Bise Presidente nga gituki sa impeachment trial. (raniel mahunyag)
