Makatipid og minilyon ka pesos ang mga lokal nga kagamhanan sa paggamit sa bag-ong e-Legis system.
Sumala ni Vice Mayors’ League of the Philippines National President Vice Mayor Maynard Francis Bumanglag, atol sa VMLP 30th National Convention dinhi sa Cagayan de Oro, moabot lang sa baynte kwatro mil pesos matag tuig ang bayrunon sa usa ka LGU alang sa maintenance sa maong digital platform, layo ra kaayo sa ubang sistema nga mogasto og tres milyones hangtod singko milyones pesos.
Matud ni Bumanglag, natuman na gyud kini human sa baynte dos ka tuig gamit ang kaugalingong pondo sa VMLP ug sa tabang sa UP Center for Local and Regional Governance.
Pinaagi niini, mahatagan sa susamang kahigayonan ang mga siyudad ug munisipyo tungod kay dili na kinahanglan pang mobiyahe og layo aron lang mangayo og kopya ug sundon ang mga maayong ordinansa gikan sa laing lugar.
