Mag-agad gihapon sa dagan sa politika ug dili lang sa teknikalidad sa balaod ang pagpalagpot kang Vice President Sara Duterte sa katungdanan, bisan pa man mapamatud-an ang isyu sa conflict of interest batok kaniya!
Mao kini ang gibarugan ni kanhi Cagayan de Oro City Councilor Atty. James Judith diin iyang gipasabot nga ang impeachment proceeding gilangkuban sa otsenta porsyento nga politika ug baynte porsyento lamang nga balaod.
Matud ni Judith, ang pinakadakong pangutana karon nga angay timbangon sa mga Senator-Judges mao kon ang maong kasupakan sa batakang balaod, igo na ba nga basehan aron tangtangon sa pwesto ang bise presidente.
Busa gipamugos sa abogado nga samtang nagpadayon ang debate sa mga testigo ug dokumento, ang pulitikanhong baruganan sa mga hurado mao gihapon ang magdiktar sa sangputanan sa husay.
