Gikumpirma sa Department of Foreign Affairs (DFA) nga lakip sa mga hisgutanan sa ika-49 nga ASEAN Summit ang isyu sa transboundary haze o pagkatag sa aso ug polusyon sa hangin tabok sa mga utlanan sa mga nasud.
Matud ni DFA Assistant Secretary ug ASEAN 2026 Spokesperson Dominic Xavier Imperial, una nga hisgutan sa mga Foreign Ministers ang posibleng mga lakang aron matubag ang maong problema, diin ipataas usab ang ilang mga rekomendasyon ngadto sa lebel sa mga lider sa ASEAN.
Dugang pa ni Imperial, dili pa siya makahatag og espesipikong mga lakang tungod kay mag-agad kini sa resulta sa panaghisgot sa mga Foreign Ministers ug sa mga lider sa rehiyon.
Bisan pa niini, gipasiugda niya nga adunay kahibalo ug komitado ang ASEAN sa pagtubag sa problema sa transboundary haze. (raniel mahunyag)
