Nagpagawas na og extradition warrants of arrest ug hold departure orders (HDO) ang Makati City Regional Trial Court (RTC) Branch 145 batok kang Pastor Apollo Quiboloy, Teresita Dandan, ug Helen Panilag niadtong Nobyembre 12, ning tuiga, sunod sa mga seryosong pasangil gikan sa Estados Unidos nga gilakipan sa conspiracy to engage in sex trafficking by force, fraud, and coercion, sex trafficking of children, conspiracy to commit sex trafficking, ug bulk cash smuggling.
Ang maong mga pasangil kay nagsugod sa usa ka indictment nga gipagawas niadtong Nobyembre 2021 sa District Court for the Central District of California, nga nagtukmod sa Federal Bureau of Investigation (FBI) nga magpagawas og “wanted” poster alang kang Quiboloy niadtong Enero 2022.
Taliwala niining mga kaso, padayong gipanghimakak ni Quiboloy ang mga pasangil ug gipamugos nga dili siya musunod sa hurisdiksyon sa Estados Unidos, diin iyang giingon ang iyang kabalaka bahin sa iyang kaluwasan ug katungod sa due process, ug gipadayag nga biktima siya sa political persecution. Gawas sa extradition case, gaatubang usab si Quiboloy og bulag nga kaso sa Pilipinas, lakip niini ang qualified human trafficking ug child abuse nga gipasaka sa Department of Justice (DOJ) niadtong Marso 2024 nga nagresulta sa pagpaggawas og mga warrant of arrest gikan sa korte sa Davao ug Pasig.
Basi sa desisyon sa hukmanan sa Makati, nakakita kini og probable cause nga ang tulo ang mga inidbidwal nga gipanganlan sa mga arrest warrant ug sumbong sa Estados Unidos, ug ang mga kasong gipasangil sa ila kay sakop sa extradition.
Ang pagpagawas og extradition warrant ug hold departure order kay usa ka mahinungdanong lakang sa proseso sa extradition, nga nagpasabot nga dunay igong basihan ang Korte aron ipadayon ang pagdungog sa extradition. (raniel mahunyag)
.jpg "Usec. Castro, gipatin-aw nga bahin sa legal nga proseso ang extradition warrant batok kang Pastor Apollo Quiboloy")
