Nagsilbing “early birds” o labing unang mga blood donors sa Dugong Bombo 2026 sila Jojie Villanueva ug Amel Johnne B. Sevilla, sa gipahigayong blood letting drive sa BOMBO RADYO CDO sa USTP Gym, ning syudad.
Gibutyag ni Villanueva nga ika-tulo na niya kining higayon sa pagdonar sa dugo ug mibati siya sa kalagsik ug walay bisan unsang pagkalipong human sa donasyon.
Gipadayag usab ni Sevilla ang iyang dako nga pasalamat sa kalihokan ug sa mga sponsor sa paghatag kaniya sa kahigayonan nga makatabang sa iyang isigkatawo.
Gipasigarbo sa duha ka donor ang dakong kamahinungdanon sa pagdonar sa dugo aron makatabang sa mga nanginahanglan ilabina sa panahon sa emerhensya ug kalamidad.
Gikalipay sa duruha ang ilang nadawat nga Dugong Bombo t-shirt, ug daghang mga giveaways.
