Patay ang dili moubos sa 26 ka tawo human sa panagbangga sa truck ug bus sa north-east India.
Nahitabo ang maong aksidente sa National Highway 715, duol sa Kaziranga National Park nga usa ka UNESCO World Heritage site.
Gilayong gidala ang mga nasamdan sa Jorhat Medical College and Hospital.
Matud ni development minister Atul Bora, pipila sa mga nakabsan og kinabuhi nga biktima sa maong aksidente kay mga estudyante sa kolehiyo.
Sa kasamtangan kay padayon pang gisusi sa mga otoridad ang hinungdan sa maong aksidente, lakip ang posibleng sobra kakusog nga pagpadagan sa minibus ug paglapas niini sa speed limit sa maong highway. (raniel mahunyag)
