Nag ung ong sa pagkawala sa trabaho ang 30 porsyento sa mga mamumuo lakip na ang mga kawani sa Business Process Outsourcing kon mapatuman ang Pax Silica framework.
Nagpasidaan si Ateneo de Davao University Political Analyst Professor Ryan Maboloc nga pulihan na sa artificial intelligence ang mga entry level jobs ug pagtuki sa datos hinungdan nga dili na magkinahanglan og daghang empleyado ang mga kompanya.
Gawas sa krisis sa panarbaho, minilyon ka galon sa tubig usab ang supsupon sa mga dagkong data centers alang sa cooling system niini nga direktang makapahubas sa suplay sa tubig sa katawhan, dugang ni Maboloc.
Kini nga kadaut sa panginabuhian ug kinaiyahan ang nagtukmod sa sunod sunod nga protesta batok sa maong kasabutan ug sa pagbisita ni United States President Donald Trump.










