
Gihulagway sa Philippine National Police (PNP) nga kinatibuk-ang malinawon ang pagpahigayon sa ika-49 nga ASEAN Summit and Related Summits sa Pilipinas, bisan pa sa pipila ka gagmayng insidente sa kagubot atol sa maong kalihokan.
Sumala ni PNP Public Information Office (PIO) Chief Police Brigadier General Allen Rae Co, gibase sa kinatibuk-ang pagsusi sa ahensya sa kahimtang sa seguridad atol sa summit, diin nagpabiling malinawon ang sitwasyon bisan adunay mga panagsangka tali sa kapulisan ug mga nagprotesta sa pipila ka dapit sa Metro Manila.
Matud pa ni Co, walay dagkong hulga sa seguridad nga namatikdan nga mahimong makabalda sa pagpahigayon sa maong panagtigom.
Gipahayag usab niya ang pagpasalamat sa hepe sa PNP ug sa tibuok kapulisan ngadto sa ilang mga kaabag nga ahensya, mga sakop sa media, ug publiko tungod sa ilang kooperasyon sa pagsiguro sa hapsay ug malinawon nga pagpahigayon sa maong summit. (raniel mahunyag)

.jpg)

