Gipangutana ang kalambigitan sa VP Sara Duterte tree planting activities sa obligasyon sa Cale88 sa BOI. Hibal-i ang detalye sa kontrobersiya ug ang pagsupak sa depensa.

Gipangutana ni private prosecutor Atty. Erwin Matib si Department of Trade and Industry (DTI) Undersecretary Ceferino Rodolfo kung adunay kalabotan ang mga tree-planting activities ni Vice President Sara Duterte sa pagtuman sa Cale88 sa requirement sa Board of Investments (BOI) nga magtanom og 100 ka kahoy.

Gilayon kining gisupak sa depensa, nga nangatarongan nga wala pay naunang testimonya nga nagkonektar sa mga kalihokan sa Bise Presidente sa maong obligasyon sa kompanya.

Gihulagway usab sa depensa ang pangutana nga misleading o makapahisalaag ug adunay malisyosong motibo.

Gipaluyohan ni Presiding Officer Francis “Chiz” Escudero ang pagsupak sa depensa atol sa cross-examination ni Matib kang Rodolfo bahin sa pagparehistro sa Cale88 isip export enterprise ubos sa BOI. (raniel mahunyag)