Gitaho ni Bombo Senior International News Correspondent Bombo Dolly Ilogon gikan sa New York City nga gikonsiderar ni United States President Donald Trump nga malampuson ang trilateral meeting sa China kauban silang Chinese President Xi Jinping ug Russian President Vladimir Putin.

Gibutyag ni Ilogon nga gikalipay ni Trump ang paglingkod tapad sa duha ka lider ug gipasigarbo sa Presidente sa Amerika nga silang tulo ang labing dagkong nuclear powers sa kalibutan nga magtinabangay alang sa luwas nga kaugmaon.

Gidugang sa Bombo correspondent nga gideklarar sa tulo ka mga lider ang ilang kaugalingon isip mga stewards kuno sa kalinaw sa tibuok kalibutan.

Apan gipunto ni Ilogon nga angay pang panid an kon tinuod bang kalinaw ang mahitabo tungod kay dugay nang nagtinguha ang China ug Russia nga tapuson ang pagdominar sa Estados Unidos sa kalibutan.