Rep. Adiong warns Atty. Panelo to respect senator-judges in the Impeachment Sara Duterte trial. Panelo faces a show-cause order for questioning senators.

Gipamugos ni House prosecution spokesperson ug Lanao del Sur Rep. Zia Alonto Adiong nga adunay responsibilidad si Atty. Paolo Panelo nga tahuron ang mga senator-judges sa impeachment trial ni Vice President Sara Duterte.

Matud ni Adiong, dili lamang usa ka ordinaryong tigpaniid o bystander si Panelo tungod kay nagpahayag siya isip tigpamaba sa Bise Presidente.

Dugang pa ni Adiong, giisip sa publiko nga baruganan ni Duterte ang mga pamahayag niini bahin sa trial.

Mahinumdoman nga nagpagawas og show-cause order ang Senate impeachment court niadtong Nobyembre 20 batok kang Panelo human gikuwestiyon ni Senador Erwin Tulfo ang mga pahayag niini bahin sa matud pa pagdapig sa mga senador sa pagpangutana sa usa ka testigo sa depensa.

Giklaro nga ang maong show-cause order kay nangayo lamang og katin-awan ug dili kini nagpasabot nga napamatud-ang sad-an si Panelo sa contempt of court.

Gidepensahan usab ni Panelo ang iyang kaugalingon pinaagi sa pagtubag nga gibuhat niya ang maong pahayag nga adunay maayong tinguha ug sakop kini sa iyang katungod sa gawasnong pagpahayag ug nagsaad usab kini nga magsumite og pormal nga katin-awan ngadto sa korte.

Dugtong niini, nanawagan usab si Adiong ngadto sa kampo ni Duterte nga tahuron ang korte ug andamon pag-ayo ang ilang mga testigo aron matubag og tarong ang mga pangutana ug mapasabot ang mga mahinungdanong detalye sa trial. (raniel mahunyag)